Veðurstofan gaf út tímaritið Hafís við strendur Íslands frá 1971 til 2003 en það veitti reglubundið yfirlit um ástand hafíss ásamt ágripi á ensku. Að útgáfunni stóðu veðurfræðingarnir Eiríkur Sigurðsson og Þór Jakobsson.

Upplýsingarnar voru fólgnar í hafískortum Landhelgisgæslu Íslands og yfirliti um hvern mánuð. Við samningu mánaðaryfirlitanna var stuðst við ísflug Landhelgisgæslu og tilkynningar frá skipum og strandstöðvum. Síðasta tímabilið, sem ritröðin fjallaði um, var lýsing á hafís frá október 1993 til september 1996.

Sú breyting varð nýlega að hafístilkynningar berast sjálfvirkt og að sólarhringsvakt Veðurstofunnar birtir þær jafnóðum á vefnum. Einnig eru birt kort af aðstæðum eins og þurfa þykir.

Fundur var haldinn í CRAICC verkefninu að Hótel Rangá í október 2011. Verkefnið lýtur að samspili íss og andrúmslofts á norðurslóðum á tímum loftslagsbreytinga.