Hafís í júlí 2006

Athugið að myndin stækkar ef smellt er á hana

Landhelgisgæslan fór tvisvar í ískönnunarflug í mánuðinum þ. 6. og 25.

Þ. 6. var ísinn næst landi 87 sml. NNV af Kögri og 87 sml. NV af Straumnesi. Þéttleikinn var 4-6/10 þar sem hann sást en þoka var á svæðinu.

Þ. 25. hafði ísinn færst talsvert nær landi enda hafði suðvestanátt verið ríkjandi í Grænlandssundi frá lokum fyrstu viku mánaðarins. Þetta virtist vera tunga að þéttleika 4-6/10 vestan megin en 3/10 austan megin. Þessi tunga sást vel á gervitunglamyndum.

Sautján sjómílur NV af Straumnesi var ísfláki að þéttleika 1-3/10. Deginum áður hafði frönsk skúta sömuleiðis tilkynnt um þennan fláka. Þessi ís var óvenju nálægt landi miðað við árstíma.

Nokkrar borgarístilkynningar bárust og allar um miðbik mánaðarins. Þessir jakar voru ekki á siglingaleiðum nálægt landi.

Norðaustanátt var ríkjandi í Grænlandssundi í byrjun og lok mánaðarins en suðvestanátt þess á milli.