Fyrirvari - tilraunakeyrsla

Um gasdreifingarlíkanið

Myndin sýnir spá um dreifingu brennisteinstvíildis, SO₂, sem kemur frá flákanum í Holuhrauni á hverri klukkustund.

Styrkur SO₂ við upptökin er metinn á grundvelli fjarkönnunargagna og spáin um dreifingu SO₂ byggist á vindaspám. Keyrslurnar eru gerðar tvisvar á dag og byggjast á greiningu gagna frá evrópsku reiknimiðstöðinni ECMWF kl. 00 og kl. 12 (sjá efst í hægra horni).

Litakvarðinn sem notaður er til að sýna niðurstöður reikninga tekur mið af töflu Umhverfisstofnunnar um áhrif SO₂ á heilsufar.

Fyrirvari

Veruleg óvissa er í mati á styrk SO₂ með fjarkönnunargögnum. Einnig geta vindaspár verið misáreiðanlegar. Báðir þessir þættir hafa áhrif á mat á styrk SO₂ í lofti fjær Holuhrauni.