Jarðskjálftayfirlit viku 14, 1. - 7. apríl 2024
Reykjanesskagi og Reykjaneshryggur
Tæplega 160 skjálftar mældust á Reykjanesskaga í vikunni sem leið. Virknin þar var nokkuð dreifð um skagann, en þó með flesta skjálfta í kringum Kleifarvatn, stærsti skjálftinn þar var 2,1 að stærð þann 1. apríl. Engar tilkynningar bárust okkur um að skjálftinn hafi fundist.
Virkni
í eldgosinu í Sundhnjúkagígaröðinni hefur haldist mjög stöðug,
en
mjög lítil skjálftavirkni fylgir gosinu.
Tveir skjálftar
mældust úti á hrygg, báðir
um 2 að stærð.
Suðurlandsbrotabeltið og Hengilsvæðið
Á Hengilssvæðinu mældust rúmlega 30 skjálftar. Skjálftarnir dreifast nokkuð jafnt um svæðið, stærsti skjálftinn varð við Kýrgilshnúk 1. apríl og mældist 1,9 að stærð.
Skjálftavirkni á Suðurlandsbrotabeltinu var með eðlilegu móti, um 25 skjálftar, allir litlir.
Í og við Heklu mældust 6 skjálftar, allir undir 1 að stærð.
Vesturgosbeltið og Mið-Íslandsgosbeltið
Við Langjökul og Hofsjökul mældust engir skjálftar í vikunni. Við Grjótárvatn austan við Snæfellsnes mældust tveir skjálftar, báðir undir 2 að stærð.
Austurgosbeltið
Mýrdalsjökull
og Torfajökulssvæði
Í
Mýrdalsjökli
var eðlileg virkni, 13 skjálftar mældust, sá stærsti 1 að
stærð. Svipuð virkni var á Torfajökulssvæðinu og undanfarnar
vikur, þar mældust 7 skjálftar, allir undir 1 að stærð.
Vatnajökull
Í
Vatnajökli mældust rúmlega
80 skjálftar, sem er talsvert meira en í síðustu viku þegar um
40 skjálftar mældust. Mest af virkninni var í Bárðarbungu þar
sem 65 skjálftar mældust, sá stærsti 2,9 að stærð 7. apríl.
Restin af virkninni dreifðist að mestu í kringum Grímsvötn.
Norðurgosbeltið
Askja og Herðubreið
Við Öskju mældust tæplega 50 skjálftar, svipað margir og mældust í síðustu viku. Flestir þeirra eru austan megin við Öskjuvatn. Við Herðubreið og Herðubreiðartögl mældust rúmlega 15 skjálftar, allir undir 1 að stærð.
Krafla og Þeistareykir
Rúmlega 15 skjálftar mældust á nyrðri hluta Norðugosbeltsins. Sú virkni dreifðist jafnt milli Kröflu og Bæjarfjalls, en stærsti skjálftinn var 2. apríl í Kröflu og mældist 1,4 að stærð.
Tjörnesbrotabeltið
Alls mældust um 50 skjálftar á Grímseyjarbrotabeltinu og Húsavíkur-Flateyjarmisgenginu. Þar voru flestir norðaustan við Grímsey eða 33 skjálftar. Restin dreifðist um svæðið, mest í Öxarfirði.
