Vikulegt jarðskjálftayfirlit

Jarðskjálftavirkni á öllu landinu er lýst í vikuyfirliti sem birt er á vefnum. Náttúruvársérfræðingur á vakt skrifar vikuyfirlitið sem birt er á þriðjudögum. Þar er farið yfir virkni vikunnar á öllum jarðskjálftasvæðum og í eldstöðvarkerfum á landinu. Ef jarðskjálftahrinur eru í gangi, stærri skjálftar eða aðrir markverðir atburðir hafa orðið í vikunni er fjallað sérstaklega um það.

Vikuyfirlit

Jarðskjálftayfirlit viku 27 1. – 7. júlí 2024

Útdráttur

Rúmlega 510 jarðskjálftar mældust með SIL mælakerfi Veðurstofu Íslands í viku 27, 1. til 7. júlí 2024.
4 jarðskjálftar mældust stærri en 3,0 að stærð, einn þeirra af stærð 3,3 mældist í vesturenda Langjökuls skammt norðaustan við Geitlandsjökul en þar mældust rétt tæplega 40 jarðskjálftar þann 3. júlí. Annar skjálfti af stærð 3,1 mældist við Lambafell í Þrengslunum en þar var skjálftakviða þann 5. júlí sem taldi um 60 jarðksjálfta. Sama dag mældust einnig um tugur skjálfta um 90km vestsuðvestur af Reykjanestá þar af mældust 2 stærri en 3,0 þar með talinn stærsti skjálfti vikunnar 3,4 að stærð.

Nánar er fjallað um jarðhræringar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira

Jarðskjálftayfirlit viku 26, 24. – 30. júní 2024

Tæplega 390 jarðskjálftar mældust með SIL mælakerfi Veðurstofu Íslands í viku 26, 24. til 30. júní. Í vikunni þar á undan mældust rúmlega 500 skjálftar. Áframhaldandi landris er í Svartsengi en minniháttar skjálftavirkni á svæðinu.
Stærstu jarðskjálftar vikunnar mældust 3,4 og 3,1 að stærð. Sá stærri mældist í Bárðarbungu þann 30. júní. Hinn mældist þann 25.júní og var staðsettur suðaustur af Heiðmörk. Örlítil virkni var í Öræfajökli en alls mældust 9 skjálftar þar í vikunni, sá stærsti 1.7 að stærð.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: SkjálftaLísa

Lesa meira

Jarðskjálftayfirlit viku 25, 17. – 23. júní 2024

Rúmlega 500 jarðskjálftar mældust með SIL mælakerfi Veðurstofu Íslands í viku 25, 17. til 23. júní. Í vikunni þar á undan mældust tæplega 390 skjálftar. Eldgosinu við Grindavík lauk þann 22. júní.
Stærstu jarðskjálftar vikunnar mældust 3,3 og 3,1 að stærð. Sá stærri mældist í Mýrdalsjökli kl. 21:26 þann 19. júní en sá sem mældist 3,1 að stærð varð í Brennisteinsfjöllum kl. 22:42 þann 23. júní. Skammvinn skjálftahrina varð í Öskju 17-18. júní, stærsti skjálftinn mældist 1,6 að stærð í þeirri hrinu.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira

Jarðskjálftayfirlit viku 24, 10. – 16 júní 2024

Rúmlega 350 jarðskjálftar mældust með SIL mælakerfi Veðurstofu Íslands í viku 24, 10. til 16. júní, og hafa allflestir þeirra verið handvirkt yfirfarnir. Vikuna þar á undan mældust um 600 skjálftar, því er ívið minni virkni þessa vikuna.
Stærstu skjálftar vikunnar urðu annars vegar á Reykjaneshrygg 15. júní, 2,87 og 2,74 að stærð, og hinsvegar í Bárðarbungu 13. júní þar sem varð skjálfti 2,79 að stærð. Nokkuð eðlileg skjálftavirkni var á landinu öllu þessa vikuna.

Í kvikuganginum við Grindavík hefur verið lítil sem engin skjálftavirkni síðan gos hófst 29. maí, en það þykir eðlilegt á meðan gos er í gangi.

Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.

Nánar má skoða skjálftavirkni hér: Skjálfta Lísa

Lesa meira