Jarðskjálftayfirlit viku 23, 03. – 09 júní 2024
Rúmlega
600 jarðskjálftar mældust með SIL mælakerfi Veðurstofu Íslands
í viku 23, 3. til 9. júní, og hafa flestir þeirra verið
handvirkt yfirfarnir. Í siðasti viku mældust um 1200
skjálftar.
Stærstu jarðskjálftar vikunnar mældust af stærð
2,9. Þeir voru þrír talsins en á mismunandi stöðum, einn rétt
austur af Herðubreið þann 3. júni, annar við Húsmúla þann 3.
júni og sá þriðji í Henglinum þann 4. júni. Mjög litill
jarðskjálftavirkni mældist yfir kvikuganginum við Grindavík.
Við
í Húsmúla á vestanverðu Hengilssvæðinu mældust um 70
jarðskjálftar í vikunni, um 20 skjálftar mældust í Öskju og
rúmlega 300 skjálftar mældust við Herðubreið og
Herðubreiðartögl.
Nánar er fjallað um jarðhræringarnar nærri Grindavík í frétt á forsíðu sem er uppfærð reglulega.
Nánar
má skoða skjálftavirkni hér: Skjálfta
Lísa
Reykjanesskagi og Reykjaneshryggur
Tæplega 80 jarðskjálftar mældust á Reykjanesskaga í vikunni, virknin var aðallega við Trölladyngju og Kleifarvatn. Fimm skjálftar mældust í kvikuganginum í vikunni. Annars var smá virkni austur af Brennisteinsfjöllum og við Hrossahryggi. Stærsti skjálfti var 2,0 að stærð, milli Trölladyngju og Kleifarvatns, þann 6. júní.
Úti á Reykjaneshrygg mældust fimm skjálftar í vikunni, sá stærsti 2,2 að stærð, þann 6. júní.
Hengilssvæðið
Við Húsmúla á vestanverðu Hengilssvæðinu mældust um 70 skjálftar, sá stærsti 2,9 að stærð, þann 3. júní, kl. 09:32. Annar skjálfti 2,9 að stærð mældist í Henglinum, þann 4. júni. Nokkrir aðrir skjálftar mældust norðan Hveragerðis.
Suðurlandsbrotabeltið
Um
25 jarðskjálftar voru staðsettir á Suðurlandsbrotabeltinu
jafndreifðir um beltið. Stærsti skjálftinn 2,0 að stærð var
staðsettur rétt norður af Hellu.
Einn smáskjálfti mældist við Heklu, þann 9. júní.
Vesturgosbeltið og Mið-Íslandsgosbeltið
Einn skjálfti, 1,7 af stærð mældist norður af Hagafelli og einn skjálfti 2,4 að stærð mældist við Geitlandsjökul. Við Rauðafell mældust 15 skjálftar, sá stærsti 2,6 að stærð.
Norður af Hofsjökli mældist einn skjálfti 2,0 að stærð.
Mýrdalsjökull
og Torfajökulssvæðið
Í
Mýrdalsjökli
mældust tæplega 15 skjálftar, allir undir 2,1 að stærð. Tveir
smáskjálftar mældust í Eyjafjallajökli. Á Torfajökulssvæðinu
mældust fimm smáskjálftar.
Vatnajökull
Í
Vatnajökli mældust um 35 jarðskjálftar og var virknin dreifð við
Bárðarbungu og djúpa svæðið austan hennar. Tæplega tíu
smáskjálftar voru í lóninu austan í Skeiðarárjökli, þar sem
oft sést tæming um sumarið. Við Öræfajökul mældust tíu
smáskjálftar og fjórir smáskjálftar mældust í Grímsvötnum í
vikunni.
Norðurgosbeltið
Askja og Herðubreið
Um 20 smáskjálftar mældust við Öskju í vikunni, flestir við austurbakka Öskjuvatns. Rúmlega 300 skjálftar mældust í hrinu við Herðubreið og Herðubreiðartögl. Stærsti skjálfti í hrinunni mældist 2,9 að stærð, þann 3. júní.
Krafla og Þeistareykir
Fjórir smáskjálftar voru staðsettir við Kröflu og þrír við Bæjarfjall. Nokkrir smáskjálftar mældust norðvestur af Dettifossi.
Tjörnesbrotabeltið
Tæplega 20 jarðskjálftar mældust norðan við land flestir á Grímseyjarbeltinu og í Öxarfirði. Stærsti skjálftinn mældist 2,2 að stærð milli Ólafsfjarðar og Siglufjarðar, þann 5. júní.
Vikuyfirlit má finna í eftirfarandi hlekk: http://hraun.vedur.is/ja/viku/2024/vika_23/listi
