Jarðskjálftayfirlit viku 26, 24. – 30. júní 2024
Reykjanesskagi og Reykjaneshryggur
Rúmlega 140 jarðskjálftar mældust á Reykjanesskaga í vikunni, virknin var aðallega við Fagradalsfjall, Kleifarvatn, Brennisteinsfjöll og suðaustur af Heiðmörk. Áframhaldandi landris mældist við Svartsengi, hraði landrisins jókst eftir að gosi lauk og er nú orðin meiri en það sem mældist fyrir gosið sem hófst 29. maí. Hraða aflögunar má túlka sem að kvikuinnstreymi inn í kvikuhvolfið á 4-5 km dýpi haldi áfram.
Úti á Reykjaneshrygg mældust um 20 skjálftar í vikunni, sá stærsti 3 að stærð, þann 26. júní.
Hengilssvæðið
Rúmlega 20 skjálftar mældust á Hengilssvæðinu. Þeir voru nokkuð dreifðir um svæðið, sá stærsti mældist 2.3 að stærð, norðvestur af Skálafelli.
Suðurlandsbrotabeltið
Tæplega
30 jarðskjálftar
voru staðsettir á Suðurlandsbrotabeltinu jafndreift
um beltið. Stærsti
skjálftinn
var 1.9 að stærð suður
af Ingólfsfjalli.
Tveir litlir skjálftar mældust við Heklu, allir undir 1 að stærð.
Vesturgosbeltið og Mið-Íslandsgosbeltið
Fjórir skjálftar mældust við Langjökul í vikunni, þrír í Geitlandsjökli og einn norðaustur af Geitlandsjökli. Einn skjálfti mældist austur af Grímsstaðamúla.
Fjórir skjálftar mældust í Hofsjökli, sá stærsti 1.7 að stærð.
Mýrdalsjökull
og Torfajökulssvæðið
Í
Mýrdalsjökli
mældust rúmlega
30
skjálftar,
stærsti
skjálftinn mældist 1.7 að stærð þann 29.júní.
Einn skjálfti varð í Eyjafjallajökli sunnanverðum og einn á
Torfajökulssvæðinu, hann
mældist 2.1 að stærð.
Vatnajökull
Í
Vatnajökli mældust rúmlega
30
skjálftar,
stærsti
skjálftinn mældist 3.4 að stærð í Bárðarbungu þann 30. júní
en hann var jafnframt stærsti skjálfti vikunnar. Alls mældust 13
skjálfar í Bárðarbungu. Tæplega 10 skjálftar mældust í
Öræfajökli sá stærsti 1.7 að stærð þann 24.júní. Aðrir
skjálftar dreyfðu sér um jökulinn.
Norðurgosbeltið
Askja og Herðubreið
Rúmlega 20 skjálftar mældust við Öskju í vikunni, flestir við austurbakka Öskjuvatns og mældust allir undir 2 að stærð. Um 40 skjálftar mældust við Herðubreið og Herðubreiðartögl í vikunni.
Krafla og Þeistareykir
Um 10 skjálftar voru staðsettir við Kröflu og þrír við Bæjarfjall.
Tjörnesbrotabeltið
Rúmlega 40 jarðskjálftar mældust norðan við land flestir á Grímseyjarbeltinu og í Öxarfirði. Stærsti skjálftinn mældist 2.5 að stærð rétt austur af Grímsey.
Vikuyfirlit má finna í eftirfarandi hlekk: http://hraun.vedur.is/ja/viku/2024/vika_26/listi
